الديوان » العراق » مظفر النواب » براءة الأخت

خوية كابلت السجن حر وبرد
ليلي ونهاري
اتحملت لاجلك شتايم
على عرضي واشعلت بالليل ناري
تالي تهتكني بخلك وصلة جريدة
كرت عيونك ياخويه بهاي جازيت انتظاري
بهاي أكابل كل إخت تنتظر منك ثار يا
خويه لعرضها
بهاي اكابل امهات الناس وهمومي افضها
جنت اررضة تدوس بعظامي واكلك حيل رضها
جنت ارضه تذبح ابطني جنيني
ولا براءة عار متبركع تجيني
ولك كون الكاع تبلعني وشخبرالناس والينشد شكله
شلون عيني اتجابس عيون المحلة
اشلون اوصفك وانته كلك عار وذله
بعد ما لك عرف ويانه وخبزلا تصل يمنه
هاك اخذ عار الجريده
ولف ضميرك والكرامه وعار اسمنه
مثل ما تبريت من شعبك تبرينا من اسمك
ويا شعب هذا التشوفه موش ابنه موش لبنه

نبذة عن القصيدة

المساهمات


معلومات عن مظفر النواب

avatar

مظفر النواب حساب موثق

العراق

poet-muzaffar-al-nawab@

74

قصيدة

889

متابعين

ولد مظفر النواب في بغداد عام 1934 لعائلة شيعية أرستقراطية ذات أصول هندية وكانت تهتم للغاية بالفنون والآداب والشعر والموسيقى، وكثيراً ما كان قصر العائلة المطل على نهر دجلة مقراً ...

المزيد عن مظفر النواب

اقتراحات المتابعة

أضف شرح او معلومة