اعلق الدنيا .. على مسمار
مدقوق فيه اجدار ..
وتسكن في ساسه ريح ..
من له سنين يطيح ..
ولجل الليالي اقصار ..
ممداه ..
اعلق اعيوني على نجمه ..
محبوسةٍ في غرفةٍ ظلما ..
ومقفول عنها باب ..
ولها حارسٍ كذاب ..
دايم يشيل كتاب ...
ويقراه وهو أعمى
اعلق احلامي على نصل
سهمٍ يشد افنبل ..
وترمى به الدنيا وبعد .. يخطي ..
أموت .. انا مبطي ..
لكن .. أحدٍ يبي ياخذ ..
مني .. وابي أعطي ..
اعلق افسمعي .. رعدغيمه ..
واشرب .. ذِِكِر ديمه ..
طاحت في بطن اليم ..
اغمض اعيوني عليّ ..
واحلم ..
بعرقي .. يعاف الدم .. شيمه ..
بروحٍ علي تندم ..

نبذة عن القصيدة

المساهمات


معلومات عن بدر بن عبد المحسن

avatar

بدر بن عبد المحسن حساب موثق

السعودية

poet-albadr@

128

قصيدة

1412

متابعين

الأمير بدر بن عبد المحسن بن عبد العزيز آل سعود شاعر سعودي، ولد سنة 1949م. في مدينة الرياض،نشأ الأمير بدر في بيت علم وأدب حيث كان والده محباً للعلم والأدب، ...

المزيد عن بدر بن عبد المحسن

أضف شرح او معلومة