عدد الابيات : 7

طباعة

هيه يا غصن تمايل بالدلال

ما تخاف الكسر لا هب الهبوب

وما تخاف الله وتسعى بالعدال

انصف من لحاظ عينيك القلوب

لا متى ذبح العرب عندك حلال

تابت العالم متى عينك تتوب

مير قلبي يا لغضي بيعه محال

ما أقدر أعطي لو تبي مني ذنوب

أشهد إنك بالحلى فقت الخيال

وعيب حسنك كان في حسنك عيوب

شارقة في طلعتك شمس الجمال

وجامع في ضحكتك كل محبوب

الخمل فيني انا ما بك خمال

مشملٍ نوّك .. وانا نوّي جنوب

نبذة عن القصيدة

المساهمات


معلومات عن بدر بن عبد المحسن

avatar

بدر بن عبد المحسن حساب موثق

السعودية

poet-albadr@

128

قصيدة

1187

متابعين

الأمير بدر بن عبد المحسن بن عبد العزيز آل سعود شاعر سعودي، ولد سنة 1949م. في مدينة الرياض،نشأ الأمير بدر في بيت علم وأدب حيث كان والده محباً للعلم والأدب، ...

المزيد عن بدر بن عبد المحسن

اقتراحات المتابعة

أضف شرح او معلومة