الشمس طاحت .. وبردت.. ورمد الشفق .. في حجر الارض
من يشتهي يدوس باقدامه على هالرماد كله ..
يا عابرٍ .. على المدى .. من السراب .. الى الندى ..
قلبي سقط فوق التراب شله..
او لا تدوس القلب خله .. كل يوم له شمس
وانا مالي سوى قلبي
انا .. من بكى لين الثرى بله بالدمع ..
ويوم اكتفى .. صد وعصر ظله .. ومسح بردنه .. وجنته ..
ثم ابتسم لين حسدوه الناس
يازارعٍ شوك الهراس .. فوق الرمل كله .. لاقدام من يكره الشوك
ياحظ من ياطى بقدم .. انا مالي سوى قلبي
الشمس طاحت ونثر الظلام ظله ..
على الجروح .. ياكاتم الزين الفضوح عن عيني
لا تظهر انيابك .. وتقطع احبابك شمات
انا من عطى ضي الشموس خله .. لين حسدوه الناس
ولا تنتظر غير السموس .. لله ..
انا مالي سوى قلبي ..

نبذة عن القصيدة

المساهمات


معلومات عن بدر بن عبد المحسن

avatar

بدر بن عبد المحسن حساب موثق

السعودية

poet-albadr@

128

قصيدة

1471

متابعين

الأمير بدر بن عبد المحسن بن عبد العزيز آل سعود شاعر سعودي، ولد سنة 1949م. في مدينة الرياض،نشأ الأمير بدر في بيت علم وأدب حيث كان والده محباً للعلم والأدب، ...

المزيد عن بدر بن عبد المحسن

اقتراحات المتابعة

أضف شرح او معلومة