تفداك روحي يالاميرة بلا ريب

والقلب شالك للشدايد طبيبه

يا بنيتي ياللي ربيتك على الطيب

زود غلاتك حشمتك دون ريبه

مأصلة في أهلها والأجانيب

والخال زاكي والفعايل نجيبه

يا تاج راسي يا نسون الأطاييب

عسى الليالي ما تمرك كئيبه

والعز ساسك ما يعوزك مواجيب

بعدك جميع الناس تبقى غريبه

يا دم قلبي يا جمال التراتيب

مادامني حي أبشري يالحبيبه

عمك لأجلك ما يهاب العواقيب

ويدخل الروح العزيزة نصيبه