يا صاحبي والله أنا المفتون

وأنا اللي مغرّب بأوطاني

وأنا اللي من السمر لي مزيون

نوره بدى من وحشة اشجاني

لى ضاقت الدنيا وضاق الكون

شفته وساعة صدر تأواني

كم ودي يصفى لي وأنا المحزون

واصفى له بسعدي اثر احزاني

يا عذيّب السمرة يا ذا المحنون

يا ناقشٍ كفّك يا ذا الغاني

كم روّعوني بخوفي المرهون

من كنت اظن اقرب من اخواني

وكم تهرّج عاذلي بلحون

وجرّح علومك وتحناني

كم لوّعتني نفسي بالمكنون

اللي ستره حجاب الازماني

خوفي تجافيني وانا المرصون

تقفي وتجمّل عذر هجراني

من يشترك مع تاجرٍ مديون

مديون انا من بادي ازماني

دوم التجارة ما بها مضمون

هي العلة بي أو حظي اشقاني

يا خوي ليته في الهوى عربون

واضمن حقوقي وما اخسر اقراني

سبحان ربٍ حكمته ما تخون 

والخير في أقداره الزامي

واختم بصلى الله على المأمون

كثر الليالي اللي سهر راني