العمر يمضي والأوجاع زادت‬

‫والسنين مسافره دون اتجاه ‬

‫كل ما قلنا ترى بتزين شانت‬

‫وكل ما للوقت يبدي خفاياه‬

‫وكل ما وثقنا بالحظوظ مالت‬

‫ومحدٍ فينا لقى اللي تمنّاه‬

‫يا كثر ما ضحّينا وقلوبنا شالت ‬

‫ويا قلّ من صان الوداد وحماه‬

‫ذبلت قلوبٍ صافياتٍ وماتت‬

‫وذاقت من كاس الفراق ولظاه‬

‫ضاعت الأفكار والأرواح ذابت‬

‫والأسئلة توجع القلب اللّي تاه‬

‫وين اللّي أيّامي فيه زانت؟‬

‫وين اللّي سكن قلبي وحناياه؟‬

‫يا كيف تنسى المحبّة يوم كانت‬

‫عهدٍ بيننا، يا كيف تنساه؟!‬

‫كيف تترك روحٍ ضحّت وعانت؟‬

‫والقلب ذاك اللّي يدوّر دواه ‬

‫كنت روحي يوم أن الرّوح ضاعت‬

‫وكنت سقيا ذابلٍ ملّ الحياه‬

‫وكنت شمسي يوم الشّمس غابت‬

‫وكنت بدرٍ يضوي العتمه بسماه‬

‫وكنت مرسى للقلوب اللي تاهت‬

‫وكنت للغرقان فيك عون ونجاه‬

‫واليوم شف كيف الأحوال صارت‬

‫من تهديه روحك يجازيك بجفاه!‬

وصار المواصل منك حلم صامت

يجرح النايم ويكوي حشاه

‫والدّموع كثار والرّوس شابت‬

‫والقلب يكابد حرقة الفقد وعناه‬

‫لكن يا خلّي تراها النّفس طابت‬

‫وهذا هو قلبي ويستاهل جزاه‬

في أوّل الحب تعلّمنا الثبات

وفي آخره حدّنا ضيمٍ وآه

وهذي الأيّام بالحق بانت

وهذا مصير المعطي للّي ما عطاه