جرحتيني بتضليل الحقيقة

بأعذارك وأكاذيبٍ دقيقة

كذبتي يوم لك أعلنت سلمي

تعوّدتك على ضعفي رقيقة

وليت السر في صدري تشيّب

ولا هنتيه ولا توّه طريقه

لو انه كان قصدك تهجريني

ترى للصدق أسباب وطريقة

تحاكي.. واجهيني.. صارحيني

دخيلك لا تخلّيني عليقة

تراك معاهدتني وما وفيتي

ولاني اليوم طالبك الطفيقة

قليلي وش علي لو ابي الصراحة

وذا حق الرفايق يا رفيقة

تبين القطع؟ حاضر دام قلتي

أنا بإمرة قرارك لو مَ اطيقه

كفاية تلعبي وتقولي صلني

ويجيني الرد مزفوفٍ بضيقة