اعذري حهلي بأساليب وأمور

نيّتي حبّك وكلّن عند منواه

مالي خبرة في مصارحة الشعور

بس اعرفي إنك أقصى ما أتمنّاه

والصراحة شايفٍ بعض النظور

توحي بإنك مغرمة مثلي وزوداه

عقبكي لاماك من غيرك غيور

أجري صوبه ما هقيته وهم وأشباه

قلتي إن اللي نسى الماضي جسور

غرّك بقول العذول اللي توخّاه

الوفا كار الأصايل.. والغرور

ما يدانيه إلا تبّاعٍ لشهواه

جارك الله من جحود اللي يدور

بين خلق الله يناشد عنك لا تاه

تذكرين أيام صافي الصبح نور

من بقايا الليل خدشاتٍ بيمناه

والنسايم دندنت بين الحضور

والنظاير من ورا أهدابٍ مخفّاه

خلّةٍ لد المدنهر بالكسور

تروي عيونه غرابيل ومعاناة

مذهنٍ من كل هشّالٍ عبور

والحنين اللي ضمر ناره تغشّاه

كان وده يعترف لو بالشعور

لكن الخوف اللي من ماضيه وخّاه