ماني بلوّام من ملّ انتظار

عام.. بل عامين ما يهمّه فروق

يوم أنا قفّيت ما كن لي ديار

بين ظرف وبين حظ وبين عوق

كنّ قلبي عين أخضلها الغبار

ولا طفى ذا اليوم اثر وقته غروق

يا ضنيني لو تذوق الانتصار

في المفارق.. كيف للفرحة أذوق

لو تبي تعطف علي هذا اختيار

ولو تبي تقسى ترا معك الحقوق

يا لجيّ البارحة هذا اعتذار

ويا قفيّ اليوم قلبي ما تطوق

ماني بطوّاع عذّالي الكثار

مير يا خيّ الحقيقة باتفوق

وإن قسي ذا الهرج لكنه اعتبار

للشعاع غروب لو يطغى الشروق

كنّها دنيا وكنّ الحال دار

درب واحد بين جنبين الطروق

وإنّما المحروم من أُكرم فحار

ومغرور الخوف للمكسب سروق