وش صار يالذيب المعاني من الصوب

اشوف بآثارك خطاك الجريحة

تسحب بساقك سحبة الغيد بالثوب

تارة .. وتارة ترفعه من ضريحه

والدم نزفه .. نزف من يرعش الكوب

ما ظل في كوبه مثل ما يسيحه

في الأمس يا دوب اظلم الليل يا دوب

واليوم يا دوب المشارق تبيحه

من جور لسعة ذايبي ذوّبك ذوب

قضيت ليلك بين قومة وطيحة

وأنا اشهد انّي البارحة خذيت لي نوب

من حملها الجاير ولا قدرت ازيحه

وين اللقى يا ذيب عاوي من الصوب

نزعج هدوء الليل صيحة بصيحة