مدد يا رب مدد
قلب بيكتب، وعقل بيسمع، وروح بتحس
وفي كل نبضة حكاية، وفي كل سكوت درس
مش كل الكلام ينقال، ولا كل الوجع بيبان
لكن بين سطور الصمت، بيظهر الانسان
عين بتسبح في السما، والقلب سواح
يحلم بسلام بعيد ويوصل للي راح
في زمن ملوش حدود وكله ضنا
ما فيه أحد بيخاف ولا حتي من الفنا
أغمض عينيّ أشوف، طريق بلا مدى
ووردة تسر القلب، عليها شوية ندي
قلب يطير من الفرحة، كان مسافر للأبد
لكنه عاد ورجع، ولقى نفسه في المدد
مدد رب العباد، عنده هوه الزاد
زاد للقلوب فايض، ولكل دين سداد
 
وفي سجدة للرحمن، جبرٌ للخاطر
وفتح لباب نور، وسترٌ م الساتر
إليك القلب يرجع… ويتهنى بالمدد
مدد يا رب مدد...