رحّال أنا
و زمني المسافر في هواك
موجة حنان متجننة
خليك معاي غيمة سماح
تتحدى ظلم الأزمنة
علّم هواي كيف الصباح
بطلع من الليل و الضنا
شيل من دماي عصب الجراح
تلقاني جنبك سوسنة
***
لو كان بيسمعنا العبير
أو كان بصدقنا الزمن
لو كان بتهدينا النجوم
احساسها بالليل و الشجن
ما كان بتتعبنا الهموم
تسقينا من كاسها المحن
أو كنا نستجدي الغيوم
ما الغربة في حبك وطن
***
رجع البحر عطشان بفتش
في دروبك عن جروف
كيف دنيا من غيرك تكون
أو لحظة من غيرك تطوف
و الكون غريب في سكتك
وجع الغريب سكة ظروف
في دنيتك
تبقى القصائد و الغنا
كلمات جميلة بدون حروف.
البروفيسور معز عمر بخيت هو أستاذ جامعي سوداني سويدي من أم درمان.
الرئيس التنفيذي (المؤسس) لمركز الأميرة الجوهرة للطب. وهو أستاذ ورئيس قسم الطب كلية الطب ، جامعة الخليج العربي ...
