سرّيت بالي على المقناص يقنص كلام

دامه مضرى على الجزلات طول العمر

هديت بالي وزهبت الفكر ،،، بإنسجام 

على المعاني الجسام  اللي عليهن  قدر

وأنا أحمد الله بأول ساعتين ،،،، الهيام

قنصت فيها قصيده تستحق النشر 

قصيدة ٍ في جبال الصيت  تملك مقام

من اول شطر في معانيها لآخر شطر 

ماكنت ابيلي قصيده ما تلد إهتمام

ويمكن تمر بمجامل نفس او ما تمر 

محتاج انا انشر قصيده مبتداها سلام 

للفلوه اللي خذت قلبي وتأمر أمر  ؟؟

ورث الرجال النشاما واصلين الغمام 

اللي لهم صيت لا ينزل ولا يندثر

ماهي بتخطف فرادا من عقول الأنام 

لا والله الا بنظره يروح فيها عشر 

تسحر وتبهر عيون الشاعر المستهام

من يوم شاهد ضياها مايناجي قمر 

طلقة محيا ،، وهبة ريح ،، ذربة مقام

ماترتضي لقدرها طيحه وعضة خصر 

اي والله اني عليها قلت مالا يلام 

مايقبل النقد والتقليل فيها عسر

 المدح بالشعر لامنه دخل في ظلام

أستشعر وصوفها الجزله وجاه الفجر 

اليا هرجت تلفت العالم بكل احترام

حتى انتجت من ملافظها ورود وعطر 

وتعطر بعطرها بيوت ومجالس كرام

ذاع وصدح إسمها بين الملا وأنتشر 

على النقا والمديح اللي عليه الكلام

ما شابه أدناة نقد ولا معاني قشر  

…

..