شبيت ضو الحنين وطار جنح المنام

وقده من الشوق لو تطفي ماطفيتها

على هنوف ٍخذت قلبي بنظرة وسلام 

وشلون أجل لو تجي يمي وحاكيتها 

منها لي أيام أكتب شوق واكتب غرام

وكل أغنيه توصف اللي فيّ غنيتها 

من بين كل العذارا همت فيها هيام

حتى ان وقتي جعلته مثل توقيتها 

مداين البوح في صدري تضك العظام

تكبر ليامن سرح  فكري  وطريتها 

مشاعري لو بقت فيني بتصبح حطام

بأدناة هزه تطيح ان كان هزيتها

لكني إنسان عاقل ..... بإتزان ونظام

يقدر يبوح المشاعر ماهدم بيتها 

حبيتها بصدق ماهو حب بايع كلام

اي والله اني بكل احساس حبيتها