امسك كتابك والقلم
 
وارفع على الساري العلم
 
واغزل بإيدك بدلتك
 
وانسى الهموم وبلاش ندم
 
مين فينا يترك بصمته
 
يبقى عزيز بين الأمم
 
واللي يضيع بوصلته
 
عمره ما يوصل للقمم 
 
امسك في حلمك واشتغل دا الدنيا تحلى بالعمل
  
وما فيش نجاح من غير ألم
 
اصنع سفينة للنجاة وارسم طريقك في الحياة
 
واوعى يغرك العشم
 
لما تدور ع الصحاب وقت المصايب والصعاب
 
تلقى كتير زي العدم
 
إياك في يوم تنسى الكلام وتقول خلاص حل السلام
 
والديب هيحرس الغنم
 
دا مافيش أمان إلا نجاحك ولو تسيب في يوم كفاحك
 
تخلى حياتك م النعم
 
تفضى جيوبك وتبان عيوبك
ما تحس إنك محترم