الأم جــنـة و الأبـــو سـتـر و ظــلال

والاخــوة عــزوه تـفتخر فـي مـجيده

والأخـت عـز و سـر فـي كل الحوال

تـبـدي عـليها الـسر و سـرك تـجيده

وأمــك عـليك الـليل تـسهر ولـو طـال

تـعـطيك شــي بـنـفسها هـي تـريده

تـعطيك وتـترك نـفسها يـابن الابطال

ودايــم عـلـى شـقـاك تـبقى سـعيدة

و ابـوك يـركض ويـتعب الحال للمال

يــبــي يــوفــر كــــل شــــيٍ تــريـده

يـتعب عـلى شـانك بـالقفا و الإقبال

ويــامـا يـتـعرض لـلـظروف الـعـنيدة

يـصـبر ولايـبدي مـن الـحال مـاحال

و مــاكــل مـايـبـغـاها تـنـولـه ايـــده

واخـوك الـين الـجال اصـتك بـالجال

مــثـل الـجـبـل الـــي يـذريـك حـيـده

مـحزم ظـهر يسندك في كل الأفعال

مــثــل الـحـبـال الـمـفـتلة والـجـويـدة

واخـتـك طـبـيعتها لــك الـقـلب مـيّال

عـلـيـك مـاتـرضـا الـظـروف الـمـكيدة

وتـلجا لها لاضقت في بعض القوال

وتـسعدك في بعض الهروج الفريدة

وابــوك وامــك بـرهم ورخـص الـحال

وان طـلبوا مـنك شـي حـاول تـزيده

حـاول تـسارع قـبل مـايصير ويـقال

راحــو مــن بـيـتك لـلـبيوت الـجديدة

تـصـير شـوفـتهم بـعـيدة عـن الـبال

وتـصـعـب عـلـيك مـواجـهة مـاتـريده

والـموت حاصل وجاي لو العمر طال

ولابــــد مـــا يـــومٍ ســريـع شــديـده

ولابــد مــن فـرقـا مــن الـعم والـخال

وكـــل الـقـرايب فـراقـهم ذي اكـيـدة

والــوقـت هـــذا فــيـه راحـــل ونــزّال

ولابــــد مـــن يـــومٍ تــلـف الـجـريـدة

وتبقا الكتابة عكس ما يشاف ويقال

و الـرابح الـلي مـحتفظ فـي رصيده

مــاهـو رصــيـدٍ بـالـعـقارات والــمـال

رصــيــد فـعـلـن بـالـعـلوم الـحـمـيدة

يـــا لـلـه تـوفـقنا جـزيـلات الأعـمـال

وانــــك تـوفـقـنا الـــدورب الـرشـيـدة

يـامن نـزل الـفرقان و سورة الانفال

تـغـفـر ذنـوبـي الـمـاضية والـجـديدة

وانـــك تـنـزلـنا عــلـى خــيـر مـنـزال

لـيـا طـويت الـصفحات وقـفّل بـريده

وصـــلاة ربـــي عـــد مـاهـل هـمّـال

عــلـى نــبـيٍ وضّـــح الـحـق سـيـده