لا تعجّب بالدنيا وأنت رَجلٍ فهيم 

الليالي تعلّم وأنت تلميذها 

الليالي تعلم وافتهم واستقيم

لاتزل القدم بك وأنت تمشي بها

والطريق المشوّك والحجر والعثيم 

جنبه وامش مع جادة أنت تدري بها 

السهل مايضرك والمسالم سليم 

والوعر والحجر رجليك يدمي بها 

وكل رَجلٍ فيهم يصير لنفسه خصيم 

ولا تخلي على نفسك شيّن يذّي بها 

وكان عندك حقوق لاتخلي الدعوة تقيم

قبل وقت الطلايب سلّم حقوقها 

اعرف انك على الدنيا ما انته مقيم

يمكن الصبح تصبح بس ماتمسي بها 

فيه ناسٍ رحيل وفيه ناسٍ تقيم 

وفيه ناسٍ ماتدري ويش ياتي لها

غيب الأيام خافي عند ربٍ عليم 

عالمٍ كل ما يخفى على غيبها 

وانتبه لا تسمّع ثم تطيع الحريم 

غالب الشور منهن قاصرٍ دونها 

فرقن القبايل من زمانٍ قديم 

والحرايب سببهن زايدٍ كونها 

خل عندك تميز وخل رايك حكيم 

وادرس الهرجة اللي قبل لا تقولها 

وابن عمك احذر لا تحطّه خصيم 

سامحه وادمح الزلة على لونها 

والخوي اخدمه واصبر وخلك حليم 

ولو تشوف القصور منه لا يدري بها 

وانتبه جارك اللي عندك له لا تظيم

ولا تضيع حقوق جيرانك وتغيظها 

حق جارك كبير وله وصايا قديم 

من نبيك حقوق الجار وُصّي بها 

و والدينك لهم حقٍ بعنقك عظيم 

وحق أمك وأبوك بذمتك دينها 

خل بالك وسيع وخل قلبك رحيم

وكل صعبة عليهم حاول تشيلها 

ساهرينٍ على راحتك وأنت طفلٍ فطيم

وصابرينٍ على زين الليالي وشينها 

لا تجازي سهرهم بالأسى والحطيم 

يوم شابوا وعجزوا وأنت تاسي لها 

ولا تلهّى بشغلك والمؤذن يقيم 

لازم انك تجيب والفروض تاتي لها 

والرحم ايصله وخلك مستديم 

وكل هرجة تجيك لا تركب خيلها 

ولو تجيلك هرجةٍ من انسانٍ سقيم 

دفها دفها لين تخلف سيرها 

ولا تكثر عتابك ولا تخاوي اللئيم 

وعز نفسك تجدها عند ماعزيتها 

والقناعة كنز وافهم يافهيم 

والصبر والمروه تحمد عواقيبها