الديوان » مصر » صالح الشرنوبي »

اتمنى يا قلبي

اتمنّى يا قلبي
واتهنّى يا عيني
جاني فرج ربّي
بالخير يراعيني
اتمنى يا قلبي
هاداني بهديه
سيد ومين في بهاه
وف حسنه يا عنيّه
غير القمر في سماه
يناغي ويواوي
ليّه ولقناوي
وضحكته تساوي
ما تملكه يميني
اتمنّى يا قلبي
فاتت سنين وأيام
وأنا وأبوه عايشين
ما بين رضى وسلام
وإن كان فؤادنا حزين
كنا بنترجاه
وبنطلبه من اللَه
لحدّ ما شفناه
يرضيه ويرضيني
اتمنى يا قلبي
يا رب اعيش والاقيه
وألقى اللّى باتمَنّاه
يحمى بإديه أراضيه
والخير يجينا معاه
وتهنّى بيه أهله
وأبوه ويسلم له
يا رب ويدوم له
ويكيد عدويني
اتمنى يا قلبي
اتمنّى يا قلبي
واتهنّى يا عيني
جاني فرج ربّي
بالخير يراعيني
اتمنّى يا قلبي

معلومات عن صالح الشرنوبي

صالح الشرنوبي

صالح الشرنوبي

صالح بن علي الشرنوبي المصري. شاعر حسن التصوير، مرهف الحس. من أهل "بلطيم" بمصر. ولد ونشأ بها. ودخل المعهد الديني بدسوق، فمعهد القاهرة، فالمعهد الأحمدي بطنطا، ثم كلية الشريعة، فكلية..

المزيد عن صالح الشرنوبي

تصنيفات القصيدة