من كثر ما في ضامري نيراني

فاض الدَمع من مُقلَتي غُدران

فاض الدَمع مِن فُوق صَحن الخدي

حيلي انهدي وَحالتي عدماني

عدمان حيلى يا رفاقه شيلي

سَهران ليلي ارقب الميزان

سَهران طُول الليل زادي عايف

وَالقَلب من جور اللَيل خايف

لا شَك إِني عَلى فراقك تالف

ودي أودعكم بِلَفظ لِساني

وَدعك وَالفظ كَلام فراقي

وَالدَمع جَرح وَجنَتي وَمواقي

يا حلو تَراني عاعهدك باقي

من هُون تيذوب الحَصا الصماني

من هون تيشيب الغراب الأَسود

مِن بَعدكم لا لبس أَنا مسح أَسود

خيوب عا يوم الفراق الأَسود

تاري الدَهر غَدار بالإِنساني

تاري الدَهر غدار ما هو باجي

وَشاهد الخلان بِالأَوطان

يا هل تَرى من عقب هذا باجي

وَشاهد الخلان بالأَوطان

اشاهدو وقبلو في عينو

عَلى الفراق الولف اللّه يعينو

شبهته ريم العلا بعينوذ

ومنين للريم الحلق وَالماني

وَمنين المريم الحلق وَالعقدي

وَمنين الو طول الغضي الوندي

وَمنين إلو ورد احمرار الخدي

بس ان شبهت العيون قراني

بس إِن شبهت العُيون عنونو

وَخدو كَالتُفاح أَحمر لونو

أَربَع غَواسق حادرة عمتونو

مثل الشَيطان مغرقة بدهان

مثل الشطان مجد له من راسو

مِن فوقهم زان الذهب لباسو

وَجبين يشبه للهلال قياسو

كل من نظرها بارك الرَحماني

كُل من نظرها قال هل هلالك

وَكذيلتو ريش الظَليم الحالك

لو هو بدور الشافعي وَالمالك

فات الصَلا وَالدين وَالإِيماني

فات الصَلا وَفروضها وَالسني

من هجركم ما يوم يبدي سني

يا حلو لو اتفق بس إِني

قبل السفر شاهدتكم بعياني

قبل السفر شاهدت غُصن الباني

اللي عيونو مكحلة وذبلاني

وجهو مثل بدر الدُجى لا باني

في ليلة اربعطش من نيسان

في ليلة اربعطش تم البدري

يابو نهود معقدة عالصدري

كيزان تين أَبيض حلمهم خمري

وَالعُنق ريم الفَلا الجفلاني

العُنق ريمية المَها وَالقامة

من فوقها ثوباً كمل هندامه

يلمع نحرها لا كشفت لثامه

بس أنت سمي واذكر الرحماني

سمي ومد ايدك عَلى حوريه

من خاص غزلان المها منقيه

وليا لبس ثوب الملس للغيا

يسوى ملك عبدالحميد الثاني

يا حلو خذ روحي العزيزة ووالف

لا شك إني على فراقك تالف

نسيت أوصف عقربه وَالسالف

ريش الربيدي اليارهجريباني

ريش الظليم اللي ربي عاكتافه

وسنونها مثل البرد وَشفافه

قيطان احمر مثل دَم رعافي

وَالفم دورة خاتم سليماني

يا حلو خاف الله على هالفرقة

روحي جزت من مهجتي عالترقة

ما ناحت الخَنسا مثالي وورقه

وَلا حزن يعقوب عالخلاني

يا حلو خاف الله ضنيتوا حالي

يا حلو خاف اللّه شغلتوا بالي

همي إذا شالوا الجبل ينهالي

ارفق بحالي يا عنود العاني

ارفق بحالي دمعتي سياحة

جوات قلبي علة قياحة

ماظنتي من بَعد هجرك راحة

من هون تايضموا الجسد بكفاني

واختم كلامي بالنبي المختاري

يشفع لنا من حرها وَالناري

يوم العرض على الواحد الجباري

يوماً جَميع أَعمالنا تنزاني